هەرێم کوردستان لە هەفتەی ئایندە کاریگ پیشەسازی وەخوەی دۊنێد
شەفەق نیوز/ بڕیارە لە هەفتەی ئایندە کارەیل یانەی پیشەسازی لە هەرێم کوردستان دەسوەپی بکەێد.
ئەوەسا کارەیل کۆنگرەگە رووژ یەکشەممە لە شار هەولێر وە ئامادەبۊن مەسرور بارزانی سەرۆک حکومەت هەرێم کوردستان دەس وەپی کەێد.
لە تەقەلایل گەشەپیکردن کەرت پیشەسازی و چارەکردن گرفتەیل نوای بەرهەمهاورەیل، محمد شوکری سەرۆک دەزگای بەرهەمهاوردن، وهەڵاڵە نەجمەدین وەڕیەوبەر گشتی شار و ناوچەیل پیشەسازی وەگەرد بەرهەمهاورەیل لە کەرت پیشەسازی گردەو بۊن، و گووش لە پێشنیار و داوایلیان گردن، وەگورەی بەیاننامەیگ لە دەزگای بەرهەمهاوردن ئمڕوو چوارشەممە.
بەیاننامەگە لە زوان شوکری وت: ئامانجەیل کابینەی نۆهەم حکومەت هەرێم ئەوەسە ک کەرت پیشەسازی گورج و گەشە بکەێد، و گرنگی وە بەرهەم ناوخۆیی بەێد، و تەقەلایل ئاسانکرای ئەرا بەرهەمهاورەیل وەڕی وەخشین گومرگی و مقەیەتیکردن بەرهەم ناوخۆیی و پێشکەشکردن خزمەتگوزاری ئەرا کارەگەیل دریا.
بەیاننامەگە باس دەسکردن وە کارەیل یانەی پیشەسازی لە شەش ئادار کرد.
