هەرێم کوردستان رێژەی بیوەرینیگ لە تووشهانەیل کۆڕۆنا تۆمار کەێد
شەفەق نیوز/ تاقێگە پزیشکیەیل هەرێم کوردستان لە دویاترین ٢٤ ساعەت، زیاتر لە ٢٠٠٠ تووشهاتن نوو وە ڤایڕۆس کۆڕۆنا لە بەرزترین ئامار رووژانە لە وەخت بڵاوبوین ڤایرۆسەگە تۆمار کرد.
وەزارت تەندروسی هەرێم کوردستان لە بەیاننامەیگ رەسیە ئاژانس شەفەق نیوز وت: ٢١٧٨ تووشهاتن نوو لە ماوەی ٢٤ ساعەت گوزەیشتە تۆمار کرد.
هەولێر پایتەخت هەرێم کوردستان خاوەن بەش گەورەی ئامارەگە بوی وە ٧٧٠ تووشهاتن نوو، ئیجا سلێمانی وە ٦٨٣، و دهۆک ٥٨٨، و هەڵەبجە ١٦، گەرمیان ٩٨، راپەڕین ٢٣.
وەگورەی بەیاننامەگە، ١٠٥٧ بیمار لە پەتاگە خاسەو بوین وەیجوورە: ١٢٣ هەولێر، ٢٥٠ سلێمانی، ٦٥٤ دهۆک، ١ هەڵەبجە، ٢٥ گەرمیان، ٤ راپەڕین.
هەمیش ١٤ بیمار لەوەر پەتاگە ئمڕوو مردن وەیجوورە: ٢ هەولێر، ٤ سلێمانی، ٧ دهۆک، ١ گەرمیان.
بەیاننامەگە دیاری کرد ک گشت ژمارەی تووشهاتنەکان لە هەرێم کوردستان رەسیە ٢١٤٠٠٦، لەلیان ١٩٢٣٥١ خاسەو بوینە، و ٤٦٨٩ مردنە.
