هەرێم کوردستان خوازێد ئاسو پەیوەندیەیلی وەرد یابان فراوان بکەێد
ئەوەیش لە دیداریگ وەگەرد ماتسوموتو فوتوشی باڵیۆز نوو یابان لە عراق هات، ک هەردوگ لایەنەگە باس نووڕین خوەیان لە دەرفەتەیل قایمکردن پەیوەندیەیل یابان وەگەرد عراق و هەرێم کوردستان و چینەیل هاوکاری هاوبەش.
وەگورەی بەیاننامەیگ لە سەرۆکایەتی هەرێم کوردستان رەسیە ئاژانس شەفەق نیوز: وەگەرد پیرووزبایی ئەرا دەسکردنی وە ئەرکەیل نووی، نێچیروان بارزانی سەرۆک هەرێم کوردستان باس سوپاس هەرێم کوردستان ئەرا تەقەلا و کارەیل ئاژانس و ریخریایەیل یابانی لە هەرێم کوردستان کرد، و باس ئارەزوو هەرێم کوردستان لە فراوانکردن ئاسو پەیوەندیەیلی وەگەرد یابان، وباس پاڵپشتیکردن و زەمینەی گونجیای کرد ئەرا بەرهەمهاوردن یابانی لە هەرێم کوردستان.
لەلای خوەییش، وەگەرد پیشکەشکردن بەشیگ لە چالاکیەیل کەرت تایبەت و کۆمپانیایل یابانی لە هەرێم کوردستان، باڵیۆز یابانی دووپات لە ئارەزوو وڵاتەگەی لە بتەوکردن پەیوەندیەیل و هاوکاری هاوبەش وەگەرد عراق و هەرێم کوردستان، و باس ئامادەیی کەرت تایبەت لە وڵاتەگەی ئەرا بەرهەمهاوردن و فراوانکردن کار و چالاکییەیلی لە عراق و هەرێم کوردستان.
بەیاننامەگە وتیش: رەوشەیل سیاسی لە عراق، و پەیوەندیەیل هەولێر و بەغدا، و نووەوبویەیل لەناوچەگە وەشیوەیگ گشتی، باسەیل ناو ئەو دیدارە بوین.
