هەرێم کوردستان: ئاوارەبوبن ١٥٠٠ کەس و بارکردن ٢٢ ئاوای لەوەر جەنگ پەکەکە و تورکیا
شەفەق نیوز/ هەماهەنگکار تەمەیل ناودەوڵەتی دیندار زیباری، ئمڕوو سێشەممە، راگەیانن ئاوارەبوین سەدان کەس لە ناوچە سنووریەیل هەرێم لەوەر جەنگ پەکەکە و تورکیا.
زیباری لە کۆنگرەیگ رۆژنامەوانی ئمڕوو لە هەولێر ک رەسیە ئاژانس شەفەق نیوز وت: تەقەلایلیگ هەس ئەرا خراوکردن ئارامی ناوچەگە، و دووپات کرد ک ٨٥ ئاوای لە ناوچەی شێلادزێ لە ساڵ ١٩٩٥ تا ئیسە چووڵ کریا.
وتیش؛ چەکدارەیل پەکەکە پاوەنیەیلیگ چەسپانن بان جوولەی ١٦٩ ئاوای، وتیش؛ رویوەڕوبینەیل دویایین بوینە هووکار ئاوارەبوین ١٥٠٠ هاووڵاتی و چووڵکردن ٢٢ ئاوای.
دەربارەی ئەو توومەتەیلە ک ئاڕاستەی هەرێم کوردستان کریان گوایە نوای جوولەی ئاوارەیل لە کریان، وت: گشت کەسیک ماف جموجوول لە هەرێم کوردستان دیرێد وئاوارەیل سوریایش ئەو مافە دیرن.
و دووپات کرد ک هەرێم کوردستان هالە گەرد گلەوخواردن ئاوارەیل وە پەنابەرەیل وە ئارەزوو خوەیان، و نشان دا ک نزیکەی یەک مەلیۆن ئاوارە هالە هەرێم، و ٣٥ کامپ ئاوارە و پەنابەر لە هەرێم هەس.
