پەکەکە: تورکیا ١٠٠ کێلومەتر لە هەرێم کوردستان داگیر کردگە و چەک کیمیایی وەکار هاورد
2021-06-23T11:48:39+00:00
شەفەق نیوز/ میدیایل راگەیانن سەروە پەکەکە، ئمڕوو چوارشەممە، ئامار گەورایگ لە ژمارەی کوشیاگەیلی و کوشیاگەیل سوپای تورکیا لەو جەنگەیلە ک لە بان زەوی هەرێم کوردستان وەڕیەو چگ، ئەرا نزیکەی ٦٠ روزژ بڵاو کرد.
ئەو میدیایلە وتن؛ ٢٣٨ سەرباز تورکی کوشیانە، و وەرانوەر ئەوە ٣٩ جەنگاوەر لە پەکەکە لە ماوەی دوو مانگ گوزەیشتە کوشیان.
وەگورەی ئامارەگە؛ هێزەیل تورکیا ٢٣٠ پەلامار دەیشتەکی و ئاسمانی لەبان هەرێم کوردستان ئەنجام دانە.
وتیش؛ هێزەیل تورکیا ئیسە ١٠٠ کێلومەتر لە زەویەیل هەرێم کوردستان داگیر کردنە، وەگەرد وەکارهاوردن چەک کیمیایی ئەرا زیاتر لە ١٢ جار لەماوەی دوو مانگ گوزەیشتە.
