هۊرەدەکارەیل نوویگ لە پەلامار مووشەکی لەبان پێشمەرگە.. وێنە  

هۊرەدەکارەیل نوویگ لە پەلامار مووشەکی لەبان پێشمەرگە.. وێنە   
2022-01-08T08:55:29+00:00

شەفەق نیوز/ سەرچەوەیگ ئەمنی، ئمڕوو شەممە،  باس هۊردەکارەیل نوویگ لەباوەت ئەو پەلامارە ئاشکرا کرد ک پێشمەرگە لە ئەڵتوون کوپری کەفتە وەری، و ئەو شۊنە لە مووشەکەیلە لەلی وەشیان.                

سەرچەوەگە ئەرا ئاژانس شەفەق نیوز وت: ئەو مووشەکەیلە لە شۊنیگ نزیک جادەی گشتی کەرکوک – ئاڵتۊن کوپری وەرانوەر کۆمپانیای کەروەنجی وەشیانە، وە کەمتر لە یەک کیلومەتر لە ئاوای قربک.       

سەرچەوەگە وتیش: ئی زەۊەیلە هانە ژیر دەسەڵات حکومەت فیدراڵی.        

دۊیەکە، وەزارەت پێشمەرگە لە حکومەت هەرێم کوردستان،  دیاری کرد ک لە ساعەت ٠٧:٢٥ ئیوارە بڕێ مووشەک لەلای خوەرئەڵات و باشوور ناحیەی پردێ (ئاڵتون کوپری) وەشیوەیگ هەڕەمەکی وەرەو سەنگەرەیل پێشمەرگە لە سنوور محوەر پەنجەم وەشیا.       

وەزارەتەگە وتیش: مووشەکەیلە کەفتنە دۊر لە شۊنەیل پێشمەرگە و نەکەفتنە هۊچیگ لە شۊنەیل پێشمەرگە، و هۊچ زەخمدارییگ یا زەرەدیگ دارایی لەلی نەۊیەو، ٢ دیاری کرد ک هێزەیل پێشمەرگە دەسکردنە لێکۆڵینەوە لەی پەلامارە.    

وەرجەیە، سەرچەوەیگ ئەمنی وە ئاژانس شەفەق نیوز وت: نەناسریایلیگ ٧ مووشەک ئەرا شۊنەیل پێشمەرگە لە باکوور ناحیەی ئاڵتون کوپری لە دەورگرد پارێزگای هەولێر وەشانن، لە وەختیگ ک دەزگای دژە تیرۆر لە هەرێم کوردستان لە بەیاننامەیگ وت: شمارەی مووشەکەیلە هەشت بۊینە.          

Shafaq Live
Shafaq Live