نزیکەی ١٥٠ کاندید لە هەرێم کوردستان چنە ناو هەڵبژاردن عراقی
2021-05-02T09:00:03+00:00
شەفەق نیوز/ ١٤٦ کاندید لە هەرێم کوردستان ئامادەکاری ئەرا ئەو هەڵبژاردن پەرلەمانیە کەن ک تەگبیرە لە تەشرین یەکەم ئەنجام بیریەێد.
حەسەن رەقیب حسێن وەڕێۆبەر نووسینگەی دەزگای هەرێم کوردستان ئەرا کۆمسیۆن باڵای هەڵبژاردنەکان لە کۆنگرەیگ رۆژنامەوانی ئمڕوو وت: ٥٣ کاندید لە هەولێر لەلامان تۆمار کریانە، و وەیجوورە: هەیشت لە کاندیدە تاکەکان، ٣٣ لە کاندیدەیل حزبەیل، ١٢ لە کاندیدەیل هاوپەیمانەیل، ١٠ لە کاندیدەیل برا مەسیحیەکان.
وتیش؛ بڕ کاندیدەیل لە پارێزگای سلێمانی ٦٥ کاندیدە، ١٧ لەلیان تاکن، و ٣٣ کاندید حزبەیل، و ١٥ لە هاوپەیمانەیل.
حسێن وتیش؛ بڕ کاندیدەیل لە پارێزگای دهۆک ٢٨ کاندیدە، لەلیان ٨ کاندید تاکانە، و ١٨ لە حزبەیل، و دووان لە هاوپەیمانەیل، و دووان لە برا مەسیحیەکان.
