حکومەت هەرێم کوردستان: پەلامارەگەی پەکەکە دەسدریژیە لەبان خاک عراق

حکومەت هەرێم کوردستان: پەلامارەگەی پەکەکە دەسدریژیە لەبان خاک عراق
2021-06-06T11:26:25+00:00

شەفەق نیوز/ جووتیار عادل قسەکەر وەناو حکومەت هەرێم کوردستان، ئمڕوو یەکشەممە، پەلامارەگەی پەکەکە لەبان هێزەیل پێشمەرگە لە کوێەی مەتین لە پارێزگای دهۆک وە دەسدریژیکردن لەبان خاک عراق دانا.

عادل لە وتاریگ ئەرا رووژنامەنووسەیل وت: بی گومان ئی پەلامار دەسدریژیە تەنیا لەبان هێزەیل پێشمەرگە نییە بەڵکم لەبان گشت گەل کوردستان و سەروەری عراقە، وتیش؛ بایەتە حکومەت عراق وە جدی لەی چوارچێوە کار بکەێد.

هەمیش باس سەردان شاندیگ عراقی ئەرا شوین پەلامارەگە لە دهۆک کرد، و دووپات کرد ک پەکەکە بویە هووکار کوشیان و بارکردن بڕیگ لە خەڵک ئەو ناوچە، و وەداخەو وە چ حەقیگ ئەو دەسدریژیەیلە کەێد هەمیش وەگەرد چەسپانن باجەیل و کارەیل قاچاخی.

و جەخت کرد بایەتە کۆتایی وەی رەوشە باێد و ئومید لە حکومەت عراقی خوازیمن ئی کارە چارە بکەێد.

 

Shafaq Live
Shafaq Live