ئەندامیگ لە ئەنجومەن سلێمانی ئاشکرای شیوەیل دەسناین وەبان زەویەیل کەێد
شەفەق نیوز/ کەریم عەلی ئەندام ئەنجومەن پارێزگای سلێمانی، ئمڕوو یەکشەممە، شیوەیل دەسناین وەبان زەویەیل دەوڵەت لە پارێزگای سلێمانی راگەیان، و دووپات کرد ک وەپیچەوانەی یاسا و رینمایل حکومەتیە.
عەلی ئەرا ئاژانس شەفەق نیوز وت: دەسناێن وەبان زەویەیل دەوڵەت لە پارێزگای سلێمانی و ناوچەیلی لەلایەن کەسەیلیگ دەسەڵاتدار بویە یا کەسەیلیگ ک دەسەڵاتدار پشتیان گردنە.
لەباوەت شیوەیل دەسناین وەبان زەویەیل، کەریم دیاری کرد ک یەکەم شیوەی ئەوەسە ک وەڕی پڕۆژە و بەرهەمهاوردن نیشتەجیی یا بازرگانی دەسنریا بان زەویەیل گەورە وجیاوازیگ لەناو شارەیل ئەرا چەن کەسیگ وە سنگ دروسکردن پڕۆژەیل بەرهەمهاوردن دویر لە یاسای بەرهەمهاوردن، و هاووڵاتییش سوودیگ لەو پرۆژەیلە نەیە.
شیوەی دویەم ئەرا دەسناین وەبان زەویەیل، ئەوەسا ک وەژیر ناو تیمەیل وەرزشی بویە، ک بەشیگ لە تیمەیل دەس وەبان چەن شوقە و ڤیلایگ لە شوینەیل گرنگیگ لە سلێمانی دانەن، وەگەرد پارچە زەویەیل گەورەیگ ئەرا ئەو کەسەیلە ک پشت تیمەیل گردنە، و یەیش سەرپیچی یاسای کراداین و فرووشتن ماڵداری دەوڵەت ئەرا ساڵ ٢٠٢١ کەێد، و هەمیش پێشێلکردن یاسایل شارەوانیە.
وتیش: بەشیگتر هەس وەژیر ناو تەرخانکردن زەوی ئەرا هیزەیل ئەمنی یا قوربانیەیل تیرۆر، ک زیاتر لە ٥٠ هەزار پارچە زەوی لە سلێمانی وەژیر ئەو ناونشانە دانریا، و کەفتنە دەس کەسەیلیگ، وەگەرد ئەو زەویەیل کشتوکاڵیە ک کریانە ڤیلا و باخ ئەرا بەشیگ لە دەسەڵاتدارەیل.
ئەندام ئەنجومەن پارێزگای سلێمانی وتیش: کەسەیلیگ دەسەڵاتدار یا کەسەیلیگ دەسەڵاتدار پشتیان گردنە.
دیاری کرد ک تا ئیسە یەک پارچەی زەوی گلەو نەیریایە، و تا ئیسە کەسایەتییگ لەلایەن دادوەری سزا نەیریایە ک دەس نایەسە بان زەویەیل دەوڵەت، و هەزاران دۆنم کەفتنەسە دەس کەسەیلیگ دەسەڵاتدار.
هەمیش وت: تەنیا وەژیر ناونشان زەویەیل هیزە ئەمنیەیل دەسوەبان نزیکەی ٥٠ هەزار پارچە زەوی نریا، و وەسنگ تیمەیل وەرزشی دەسنریا بان سەدان دۆنم زەوی، و وەدەسپیچگ بەرهەمهاوردن هەزاران پارچە زەوی لە ناوڕاس و دەیشت سلێمانی بریا.
