ئەنجومەن دهۆک دەنگ دەێدە ئاڵشتکردن ناحیەیگ ئەرا قەزا
2021-02-10T12:31:11+00:00
شەفەق نیوز/ ئەنجومەن پارێزگای دهۆک، ئمڕوو چوارشەممە، دەنگ لە رەزامەنی لەبان پڕۆژەی بڕیار ئاڵشتکردن ناحیەی باتیفا ئەرا قەزایگ دا.
پڕۆژەی بڕیارەگە دەنگ ئەندامەیل ئەنجومەنەگە وەرگرد، ک ژمارەیان ٢٦ ئەندامە، ک باس ئاڵشتکردن ناحیەی باتیفا ئەرا قەزا کەێد، وەگورەی دەسەڵاتەیل ئەنجومەن پارێزگاکان لە مادەی شەش لە یاسای ئەنجومەن پارێزگاگان ئەرا ساڵ ٢٠٠٩.
ناحیەی باتیفا ئیسە سەروە قەزای زاخۆ لە پارێزگای دهۆکە، ژمارەی دانیشتوەیلی رەسێدە ٢٨ هەزار کەس و رووبەری ٢١٣١٦٢ دۆنەم لە زەویە، و ٧٥ ئاوای هاناوی وهەمیش کۆمەڵگەی جینشینی بیکوفا ک ئەوەسا لە دویای ئاڵشتکردن ناحیەی باتیفا ئەرا قەزا ئەوەیش بوودە ناحیەیگ.
