پەنج مردن و ٤٥ تووشهاتن نوو وە کۆڕۆنا لە ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو سێشەممە، راگەیان تۆمارکردن پەنج مردن وە کۆڤید-١٩ لە باکوور و خوەرهەڵات سوریا.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنەکان ئەرا دوو پیاو لە تەبەقە و دووان لە ریقە و شەهبا، و دوو ژن لە شەهبا تۆمار کریان.
موستەفا دووپات کرد ک ٤٥ تووشهاتن نوو لە ناوچەیل ئیدارەی سەروەخوەیی ئەرا ٢٣ پیاو و ٢٣ ژن تۆمار کردنە.
تووشهاتنە نووەکان وەیجوورە بەشەوە بوین: ٩ حەسەکە، ٨ قامیشلۆ، ٤ دێریک، ١ کەرکی لەکی، ١ دەرباسیە، ١ تربێ سپی، ٧ تەبەقە، ٥ مەنبج، ٣ ریقە، ٣ دێر زۆر، ٢ کۆبانی، ١ شەهبا.
جی باسە ک ژمارەی تووشهاتنەکان وە ڤایڕۆس کۆڤید-١٩ لە ناوچەیل ئیدارەی سەروەخوەیی رەسیە ٨٩٠٠ ، لەلیان ٣٤٦ مردنە، و ١٢٥٩ خاسەو بوینە.
