ئەرا کۆنتڕۆڵکردن سنوورەگە وەگەرد سوریا عراق رەوانەی دوو لیوای پۆلیس فیدڕاڵی کەێد
2020-11-17T09:32:51+00:00
شەفەق نیوز/ سەرچەوەیگ ئەمنی پایەبەرز، ئمڕوو سێشەممە، ئاشکرای جوولەکردن دوو لیوا لە پۆلیس فیدڕاڵی کرد لە کەرکوک ئەرا نەینەوا وەرەو سنوور عراق و سوریا.
سەرچەوەگە ئەرا ئاژانس شەفەق نیوز وت؛ ئەرک هەردوگ لیواگە بوودە گردن پارچە سنووریەگە لە گشت سنور ئیدارەی نەینەوا وەرانوەر سوریا.
وتیش؛ مەزەنە هەس لە ئاڵشتکردن هەردوگ لیواگە لە ئایندە ئەرا هێزەیل پاسەوان سنوور، چوونکە پۆلیس فیدڕاڵی سەروە وەزارەت ناوخۆوس.
دویای ئی پارچە سنووریە پارچەیگ تر هەس، هێڵ سەنەگەر دوویەم لە سوپای عراق و ئەو کەرتەیلە لە ژیر فەرماندەی ئۆپراسیۆنەگان خوەرئاوای نەینەوا.
ئمامانجەگە لەی هێڵ دوویەمە ئەوەس ک پاڵپشتی ئاسایش سنوور بکەێد و هەمیش چەودیری کارەیل قاچاخی و دزەیی، ک هەر ماوەی جاریگ لە هەردوگ لای سوریا و عراق بوون.
