کۆڕۆنای کوردستان.. ٢٥ مردن و زیاتر لە ٨٠٠ تۊشهاتن
2021-10-27T14:20:28+00:00
شەفەق نيوز/ وەزارەت تەندروسی لە حکومەت هەرێم کوردستان، ئمڕوو چوارشەممە، راگەیان توومارکردن ٢٥ مردن و زیاتر لە ٨٠٠ تۊشهاتن نوو وە ڤایرۆس کۆڕۆنا لە ماوەی ٢٤ سەعات گوزەیشتە.
وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی لە ماوەی ٢٤ سەعات گوزەیشتە ٧٧٨٠ تاقیکردنەوە ئەنجام دان لەناویان ٨٠٢ تۊشهاتن نوو لە گشت ناوچەیل هەرێم ئاشکرا کریا.
بەیاننامەگە وتیش؛ ١٢٥٩ بیمار لە پەتاگە خاسەو بۊین، و ٢٥ لەلیان مردن.
گشت شمارەی ئەوانەگ کەرەنتین کریانە لە هەرێم کوردستان رەسیە ٢١٨٧١ ، و ٣٣٢٥٩٢٨ تاقیکردنەوە ئەنجام دریاگە، لەناویان ٣٥٨٩٠٢ تۊشهاتن ئاشکرا بۊیە، لەلیان ٣٣٨٦١٧ بیمار خاسەو بۊینە، و ٦٣٥٦ مردنە.
