کۆڕۆنای کوردستان.. ١٣ مردن و ١٠٤٩ تۊشهاتن
2021-10-04T16:00:54+00:00
شەفەق نیوز/ وەزارەت تەندروسی لە حکومەت هەرێم کوردستان، ئمڕوو دووشەممە، خەوەردا لە توومارکردن ١٣ مردن و ١٠٤٩ تۊشهاتن نوو وە ڤایرۆس کۆڕۆنا لە ماوەی ٢٤ ساعەت گوزەیشتە.
وەزارەتەگە لە بەیاننامەیگ رەسیە ئاژانس شەفەق نیوز وت: ٧٢٤٤ تاقیکردنەوە ئەنجام دریاگە لەناویان ١٠٤٩ تۊشهاتن ئاشکرا بۊیە، تا گشت شمارەگە بڕەسێدە ٣٣٦٦١٢.
بەیاننامەگە وتیش؛ ١٤٢٨ بیمار لە پەتاگە خاسەو بۊین تا گشت شمارەی خاسەوبۊیەیلە بڕەسێدە ٣٠٣٦١٩.
هەرلیوا، ١٣ بیمار لەوەر پەتاگە مردن، تا گشت شمارەگە مردنەیل ڤایرۆس کۆڕۆنا لە هەرێم کوردستان بوودە ٥٩٣٧.
