کۆڕۆنای هەرێم کوردستان نزیکە لە رەنگ سوور
شەفەق نیوز/ وەزارەت تەندروسی لە هەرێم کوردستان، ئمڕوو دووشەممە، راگەیان تۆمارکردن نزیکەی ٢٠٠٠ تووشهاتن نوو وە ڤایڕۆس کۆڕۆنا لە شارەیل هەرێم.
سامان بەرزنجی وەزیر تەندروسی هەرێم کوردستان لە کۆنگرەیگ رۆژنامەوانی ئاژانس شەفەق نیوز ئامادەی بوی وت: وەداخەو ک هەڵوێست پەتاگە دەسکردە تۆمارکردن تووشهاتنەیل بەرزیگ، ک لە ماوەی ٢٤ ساعەت گوزەیشتە ١٩٥٠ تووشهاتن نوو و ١٩ مردن تۆمار کریا.
وتیش؛ زەنجیر کۆبونەوەیل وەگەرد پسپۆڕەیل و پزشکەیل راوێژکار لە فەرمانگەی تەندروسی هەولێر ئەنجام دریا، تا وەگەردیان باس بکەیمن ک چوین نوای شەپۆلە نووگە بکریمن، و خوەشبەختانە ک تیم تەندروسی جهانی هالە گەرمان، و گشتی سەرقالە وە زیایکردن ئامێرەیل ئۆکسیجێن و شەوخەفەیل.
وتیش؛ تا ئیسە رەسیمنە رەنگ وەنەوشە، ئومید خوازیمن نەڕەسیمنە رەنگ سوور.
بەرزنجی داوا لە خەڵک هەرێم کوردستان کرد پابەند وە ریکارە مقەیەتیەکان بوون، تا رەوشەگە لە دەس نەدراێد، و داوا لە سەردانکەرەیل کەیمن تاقیکردنەوە وەرجە گلەوخواردنیان بکەن، و ئەگەر کارەگە خوازێ کەرەنتین خوەی دویر لە خیزانەگەی بکەێد.
