گەناڵخە لەناو جادە کەڵەکە بوی.. کراکارەیل پاکەوکردن لە کار وسیەن
2023-05-15T11:26:45+00:00
شەفەق نیوز/ سەدان لە کراکارەیل پاکەوکردن بە سلێمانی، ئمڕوو دووشەممە، بایکۆت کار کردن، لە ناڕەزایی لەبان دیرکەفتن خەرج مووچی مامگانەیان، ک هیشت گەناڵەخە لەناو جادەیل کەڵەکە بوون.
بەختیار جەلال نوینەر کۆمپانیای پاکەوکردن و وەرپرس کراکارەیل ئەرا ئاژانس شەفەق نیوز وت: لەوەر دیرکەفتن مووچەیان یە ٤ف رووژە لەکار وسیان، ئەوەیش چوینکە کۆمپانیاگە زیاتر لە هەفت ملیار دینار پویل لەلای حکومەت هەرێم کوردستان دیرێد، و هیمان خەرجی نەکردگە.
دیاری کرد ک ئمڕوو زیاتر لە هەزار کراکار لە سلێمانی و چەمچەماڵ و دوکان و ناوچەیلیگتر لەکار وسیان وەداوای مووچەی دیرکەفتگیان.
جەلال دووپات کرد ک چوینکە هویچیگ ئەرا خیزانەیلمان نەیریمن و کۆمپانیاگە پویل نەیرێد تا پویل خاسەوکردن و سوتەمەنی بەێد، ئەراوە وەپیمان نیەکریەێد بچیمنە کار.
نوینەر کۆمپانیاگە داوا لە مەسرور بارزانی سەرۆک حکومەت هەرێم کوردستان کرد دەسبەێدە وەر تا ئی گیچەڵە چارە بکەێد، وەنە هەر لە بایکۆت وەردەوامن.
