نێچیروان بارزانی و رەئیسی رێککەفن لەبان هەماهەنگی ئەرا وەدەسهاوردن ئارامی ناوچەگە
لەو گردەوبوینە کە دوو جیگر سەرۆک و وەزیر ناوخۆ و شاندیگ لە سەرۆکایەتی هەرێم کوردستان ئامادەی بوین، هەردوگ لایەن دووپات لەبان بتەوکردن پەیوەندییەیل ناوەین ئیران و عراق و هەرێم کوردستان کردن لە بنەمای خاس هاوسایەتی و بەرژەوەنیەیل هاوبەش، و بەرزکردن ئاست گواستنەوەی بازرگانی و پەیوەندییەیل ئابووری، وەگەرد باسکردن لە پەیوەندییەیل کویەن و میژووی ناوەین کۆمار ئیسلامی ئیران و هەرێم کوردستان.
سەرۆکایەتی هەرێم کوردستان لە بەیاننامەیگ وت: رەئیسی سوپاس و رێز کۆمار ئیسلامی ئیران ئەرا هەرێم کوردستان رەسان ئەرا ئەو ئاسانکاری و دەسمیەتیەیلە کە وە زیارەتچیەیل ئیرانی پیشکەش کەێد کە وەرەو مەزارە پیرووزەیل لە باشوور عراق چن، هەنای وەناو خاک هەرێم کوردستان رەد بوون، لەلای خوەییش، سەرۆک هەرێم کوردستان سوپاس لە ئیران کرد ئەرا دەسمیەتیەیلی وە عراق و هەرێم کوردستان.
لەلاییگ ترەک دیدارەگە، هەردوگلا دووپات لەبان گرنگی وەردووامی هەماهەنگی و هاوکاری هاوبەش ناوەین ئیران و عراق و هەرێم کوردستان کردن، ئەرا مقیتیکردن ئاسایش و ئارامی ناوچەگە.
یەیش پەنجەمین سەردانە ئەرا نێچیروان بارزانی وەماوەی ١١ ساڵ، کە سەرۆک هەرێم کوردستان نیاز دیرێد لەناوی پەیوەندییەیل ناوەین هەرێم کوردستان و تەهران قایم بکەێد، وەڕی دانوسەنین وەرد گەورە سیاسییەیل ئیران.
وەگورەی قسەی وەرپرسیگ لە نویسینگەی بارزانی ئەرا ئاژانس شەفەق نیوز: ئی سەردانە گرنگە، و دویای گەردینیگ لە دانوسەنین وەرد سەرکردەیل سیاسی لە بەغداد هات، کە بارزانی وت: دەسکەێدە قۆناغ نوویگ لە پەیوەندییەیل.
