نێچیروان بارزانی: هەولێر و بەغدا دانوسەنین هونەری کەن ئەرا دووارە هەناردەکردن نەفت کوردستان
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، شەوەکی ئمڕوو، پیشوازی لە عەلی رەزا کونای باڵیۆز تورکیا لەلای عراق کرد، کە هەردوگ لایەنەگە ئافەرین لە ئاست پەیوەندیەیل تورکیا وەرد عراق و هەرێم کوردستان کردن، و دووپات لە وەنوابردنی و هاوکاری هاوبەش وەتایبەت لە چینەیل بازرگانی ئابووری.
بەیاننامەگە وتیش: لەباوەت دووارە هەناردەکردن نەفت هەرێم، و لەی باوەتە سەرۆک هەرێم کوردستان سوپاس لە تورکیا ئەرا هەڵوێستی کرد، و وتیش؛ هەولێر و بەغدا لەی نەویە دانوسەنین هونەری ئەرا ئی کارە ئەنجام دەن.
لە ٢٥ ئادار، تورکیا بارە نەفتەیل هەرێم کوردستان وەرەو بەندەر جیهان وسان، دویای بڕیار ناوجیکردن ناودەوڵەتی، کە پابەند ئەنقەرە کرد قەرەبوو بەێدە بەغداد ، چوینکە رێککەفتن کڕ لویلەیل ساڵ ١٩٧٣ شکاننە، ئەوەیش وەریداین، ئەرا هەناردەکردن نەفت حکومەت هەرێم کوردستان وەبی رەزامەنی حکومەت عراق.
ئەو کڕ لویلەیل نەفتە کە لە پارێزگای کەرکوک تا بەندەر جیهان رەسێدە، وەتەنیا رییگ دریەێدە قەڵەم ئەرا کێلگەیل نەفت باکوور عراق.
حکومەت عراق و حکومەت هەرێم کوردستان، لە ٤ نیسان، رێککەفتنیگ وەختانە واژوو کردن، زەمینە ئەرا هەناردەکردم نەفت هەرێم سازێد، باوجی ئەوە نەڕەسیە ئەنجام، دویای رەتکردن تورکیا لە گلەوداین هەناردەی نەفت لە باکوور وەڕی بەندەر جیهان تورکی.
