نێچیروان بارزانی: هەرێم کوردستان هەڕەشە وەبان وڵاتەیل هاوسای دروس نیەکەێد وە تایبەت ئیران

نێچیروان بارزانی لە پەراوێز سەردانەگەی لە لێدوانیگ ئەرا رووژنامەوانەیل وت، " هاتنمان ئەرا بایلۆزخانەی ئیران لە هەولێر ئەرا پرسە و سەرەخوەشیکردنە لە میلەت ئیران وەگشتی و شار کرمان وە تایبەتی وەبونەی تەقینەوەگە"، دیاریکرد "داعش دیاردەیگ تیرۆرستیە لە ناوچەگەمان دووپاتیکەیمن وەرد ئیران وەردەوام مینیمن لە هاوکاری و کارکردن".

وتیش "کۆمار ئیسلامی ئیران هاوسای گرنگیگە ئەرا ئیمە هەمیشە توایمن پەیوەنیمان خاس بوود، و لەو باوەڕەم لەئیسە  پەیوەنیمانیش خاسە وەرد ئیران و هیوای خاستر ئەرای خوازیمن چوینکە هاوسامانن".

دیاریکرد " کۆمار ئیسلامی ئیران دەسمیەتیمان دا لە جی و شوین هەنای وەجەی دەسمیەتی کردیمن".

وتیش، " لە گوزەشتە و ئیرنگەیش دووپاتکەیمن هویچ هەڕەشەیگ وەبان وڵاتەیل هاوسا دروس نیەکەیمن وە تایوەت کۆمار ئیسلامی ئیران".