نێچیروان بارزانی مەرسوم سووکەوکردن سزای تاوانکارەیل بادینان دەرکەێد

 نێچیروان بارزانی مەرسوم سووکەوکردن سزای تاوانکارەیل بادینان دەرکەێد
2022-02-23T14:17:06+00:00

 شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، مەرسومیگ هەرێمی وە سووکەوکردن سزاگە لەبان پەنج تاوانکارەگە لە باوەت بادینان دەرکرد. 

بەشدار حسێن پارێزەر وەرگریکردن لە تاوانکارەیلە لە وتاریگ تایبەت ئەرا ئاژانس شەفەق نیوز وت: سەرۆک نێچیروان بارزانی مەرسومیگ وە کەمەوکردن ٦٠ لەسەد لەو سزا لەبان پەنج تاوانکارەگە دەرکردن ک پارەکە فەرمان پەنج ساڵ زیندانکردن لەبانیان دەرچگ.  

حسێن وتیش: ئەوەسە هەر پەنجیان مەرەقەز کریەن دۊای ئەوەگ تا ماوەی پەنج مانگ لە رووژ ئمڕووەو لە زیندان تەوا کەن، وەگورەی مەرسومەگە.     

لە مانگ شوبات گوزەشتە، دادوەری لە هەرێم کوردستان،  فەرمان پەنج ساڵ، زیندانکردن لەبان پەنج کەس دەرکەد، لەوەر تاوانبارکردنیان وە توومەت تەقەلای رمانن حکومەت و شیوانن ئاسایش.  

ئەوانەگ فەرمان لەبانیان دەرچگ هەرلە: دوو رووژنامەوانی شێروان شێروانی، کۆهدار زیباری، و چالاکوانەیل شەڤان سەعید، ئەیاز کەرەم، هەریوان عیسا.   

Shafaq Live
Shafaq Live