نێچیروان بارزانی لە ساڵیاد دامەزریان پارتی داوای مقیتەتیکردن دەسکەفتەیل کوردستان لە حزبەگە کەێد
ئاژانس شەفەق نیوز دەق بەیاننامەی سەرۆک نێچیروان بارزانی بڵاو کەێد:
ئمڕوو شانزەی مانگ ئاب، کە لەناوی وە پیزانین و رێزەو رویداویگ و پیچەڕییگ گەورە و چارەنویسساز لە میژوو گەل کوردستان وە نوێنەرایەتی هەفتا و هەفتەمین ساڵیاد دامەزریان پارت دیموکرات کوردستانمان یاد کەیمنەو. لەی یادە سڵاو لە گیان پاک دامەزرێنەر حزب و سەرکردەی نەمر گەل کوردستان، بارزانی نەمر و گشت شەهیدەیل و رەنجدەرەیل تێکۆشەرەیل و پێشمەرگە قارەمانەیل کە لە گیانیان وەخاتر ئازادی کوردستان پیشکەش کردنە.
وەی بوونە پیرووزبایی گەرم خوەم لە جەناب سەرۆک بارزانی و کەسوکار سەربەرز شەهیدەیل و بنەماڵەیان کەم، لە مەکتەب سیاسی و کۆمیتەی ناوەندی و گشت ئۆرگانەیل و کادر و ئەندامەیل، لە ژنەیل و خوەنەوارەیل و گەنجەیل، و گشت دەزگا و لایەنگرەیل و جەماوەر پارت دیموکرات کوردستان و خەڵک کوردستان وە گشتی، وە ئومید سەرکەفتن هەمیشەیی و شەرەف ئەرا پارتیمان و گشت لایەنەیل.
جی شانازیی پارت دیموکرات کوردستانە کە دویای ئی تەمەن درویژە هیمان لە مەیدان خەبات و پڕ لە زنەیی و نوێنەرایەتیکردن خەڵک کوردستانە وەخاتر رەسین وە ئومید و خواستەیلی.
پارت دیموکرات کوردستان وەو جویرە کە لە هەفتا و هەفت ساڵ گوزەشتە جویر پێویستییگ میژوویی لە مناڵدان خەون و خواستەیل خەڵک کوردستانەو لەداڵگ بوی، ئمڕوویش وە ئومید و خواستە بەرزەیل خەڵک کوردستان، هیمان لە سەرکردایەتیکردن لەڕویوسیان و وەپشتسەرنان سەختیەیل و وەدەسهاوردن بانانیگ خاستر وەردەوامە.
وەرپرسایەتیەیل ئمڕوو پارت دێموکرات کوردستان میژوویی گەپن، وە قەوارەی میژوو و گەورەیی و قوربانیدانەیلی، ئەراوە بایەسە هەکاتی هەمیشە ئەرک و وەرپرسایەتی خوەی وە تەواوی وەڕیەو بوەێد، و گشتگیریگ ئەرا گشتی بوود، و بچوودە پیری چارەسەر و وەپشتسەرنان گیچەڵ و قەیرانەیل، مقەتیکەر و چرای یەکگرتنی و یەکڕزی و قبوڵکردن ئەویتر و دەسمیەتیدەر لە گشت یانە و رۆڵ کارای خوەی جیوەجی کەێد کاریگەری لەبان مقیەتیکردن ئازادی، دیموکراسی، ماف و دەستکەفت دەستوری ئەرا خەڵک کوردستان و چەسپانن سیستەم فیدراڵی.
سڵاو لە هەر ئەندامیگ پارت دیموکرات کوردستان لە هەر کوو بویە و ئومید سەرکەفتن ئەرا ئیوە و گشت خەڵک کوردستان خوازم.
نێچیروان بارزانی
١٦ی ئاب ٢٠٢٣
