نێچیروان بارزانی ئۆپراسیۆنەیل پەلامارەگە وە پیشهاتەیگ رخبەر وەسفکەێد: نەبایەس ری وە کەسەیل دەێشت یاسا بیریەێد بوونە هوکار گیچەڵ لە بەغدا و هەولێر
2023-11-07T15:40:59+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، پەلامارەیل هێز و ئەندامەیل بیانی لە عراق وە "پیشهاتیگ رخبەر"وەسف کرد.
ئەیش لە بەیانیگ رووژنامەوانی وت کە ئاژانس شەفەق نیوز ئامادەبوی، لەدویای کۆتایهاتن وە گردەوبوین وەگەرد سەرکردەیل پارتی دیموکرات کوردستانی و یەکێتی نیشتیمانی.
بارزانی وت؛"پەلامارەیل پیشهاتیگ مەترسیدارە وەبان هەرێم کوردستان و عراق و بایەسە ری وە هێزەیل دەێشت یاسا نەیرێد بوونە هوکار گیچەڵ لە هەرێم و عراق چوینکە یە لە بەرژەوەنیمان نییە".
لەباوەت گردەوبوین ناوەین پارت دیموکرات و یەکێتی نیشتیمانی سەرۆک هەرێم کوردستان وت " گردەوبوینەگە فرە خاس بویە و وەردەوامە رەسینە لەیەکفامستن هاوبەش لەناوەین هەردگ لا".
بارزانی دیاریکرد "سەرۆکایەتی هەرێم گشت ریوشوینیگ گرێدەوەر ئەرا وەڕیوەچگن هەڵوژاردنەیل لە هەمان وادەی دیارکریاگ".
