نێچیروان بارزانی پیرۆزبایی لە ئێزدیەیل کەێد وە جەژن جما
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، پەیامیگ پیرووزبایی وەبوونەی جەژن "جما" تایبەت وە ئێزدیەیل کل کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز پەیامەگە بڵاو کرد ک وت: پیرۆزبایی وە جەژن جما لە برای ئێزدیەیل کەم، و ئومید خوازم بوودە جەژن خوەشی لەباندان.
وتیش: لەو وەختەگ ئی جەژنە گلەو خوەێد، دڵمان هاوەگەرد ئەو خیزانەیلە ک هیمان کەسەیلیان بیسەروشوینە، و دووپات کرد ک ئەوەسا هەر لە رەنجمان ئەرا رزگارکردنیان ودیاریکردن چارەنویسیان وەردەوام مینیمن.
بارزانی لە کۆتایی پەیامەگە وت: جەژن جما پیرووژ بوود، وگشت ساڵیگ وە خوەشی.
لەلای خوەییش، مەسرور بارزانی سەرۆک حکومەت هەرێم کوردستان، هەمیش پیرووزبایی لە ئێزدیەیل کرد وە بوونەی جەژن جما، ک وەگورەی بەیاننامەی نویسینگەگەی وت: وەگەرد هاتن جەژن جما، گەرمترین پیرووزبایی ئەرا ئێزدیەیل لە کوردستان و عراق وجەهان پیشکەش کەم، و ئومید جەژنەیل پڕ لە ئاشتی و دڵنیایی وخوەشی ئەرا گشتی خوازم.
وتیش: وەی بوونە، دووپاتمان لە پاڵپشتیکردن قایم و هەمیشەییمان کەیمن ئەرا ماف ونووڕینەیل ئێزدیەیل، و پیشکەشکردن خاسترین خزمەتگوزاری ئەرایان.
