نێچیروان بارزانی دووپات کەێد لە " یەکڕزی" ئەرا نواگیری هەڕەشەیل بان قەوارەی کوردستان

لە نواگردن مەردم لەدژ ئەو پەلامارەیل رژێم فیدراڵی و مافەیلیان  دەسکەفت و قەوارەی دەستوری هەرێم.

ئاژانس شەفەق نیوز دەق بەیاننامەگەی سەرۆک نێچیروان بارزانی بڵاوکەێد:

ساڵیاد 33یەمین راپەڕین شکۆدار  مەردم کوردستان لە خێزان شەهیدەیل و پێشمەرگەیل قارەمان و تەواو خەڵک کوردستان وە گشت پێکهاتەیلی پیرۆزبوود، سڵاو و درود ئەرا یاد شەهیدە قارەمانەیل راپەڕین و گشت شەهیدەیل کوردستان.

لە پەنج ئازار ساڵ 1991 مەردم کوردستان راپەڕین کرد لە شار رانیەو دەروازەی راپەڕین گیانی وەبان دەسی دانا وەبی سڵ کردن لە مردن لە پێناو ئازادی، کۆتایی وە یەکیگ  لە سەردەمەیل ستەم و دیکتاتۆریەت و خویناوی هاورد، ئێ میلەتە هەرگیز واز لە ئازادی و ئامانجەیل پیرۆز راپەرین نیارێد.

راپەرین وە بڕوا و ئیرادەی گەپیگ گەل کوردستان ئەرا ئازادی و سەرفرازی و یەکڕزی و تەبایی سەرکەفت و دەسکەفتەیلی لە دەستوور عراق فیدڕاڵی چەسپان.

ئیرنگە هەر وە یەکڕزی توەنێد وەرانوەر وە هەڕەشەیل بان فیدڕاڵی و ماف و دەسکەفتەیل و قەوارەیل دەستووری هەرێم کوردستان بوسێد و داهاتوو خاستریگ ئەرا نەوەیلی مسۆگەر بکەێد.

ئامانجە پیرۆزەیل راپەرین لە ژیان و ئازادی و دیموکراسی، کۆمەڵگەیگ ئارام و پیشکەفتیە، لە بنیادنان ئیسە و ئایندەیگ خاستر، لە کوردستانیگ وەهێز کە لانکەی وەگەردیەک زندگی کردنە و یەکتر قبوڵکردن و لێبوردەییە، تەنیا وە کار هاوبەش و یەکهەڵوێستی و پێکەوەیمان بوود.

مێژوو چەسپانیە کە ناکۆکی و دووبەرەکی، ئەزموون فرە تێڵیگن و زەرەد فرەیگ لە پێگە و دەرفەت و دەسکەفتیل دایە، وەی مدووە سەرکەفتن راپەڕین بایەت هەمیشە ئەرا گشتمان وانە و نەخشەریگەی کارمان بوود. با وە بڕوا و ئومێد گشتمان وەگەرد یەک دەس لەناو دەس، ئەرا رەدکردن ئاڵنکاری و سەختیەیل و لەپێناو ئایندەیگ خاستر کاربکەێن.

سڵاو لە یاد راپەرین، لە گەل دڵسووز و خوەراگر کوردستان، دروود لە گیان پاک شەهیدەیل.

نێچيرڤان بارزانى

سه‌رۆك هه‌رێم كوردستان

2024/3/5