نێچیرڤان بارزانی دووپات کەێد لە گرنگی مقیەتیکردن فیدراڵیەت و مافەیل دەستووری هەرێم
2023-05-26T11:27:13+00:00
شەفەق نیوز/ سەرۆک هەرێم کوردستان نێچیرڤان بارزانی، ئمڕوو جومعە، دووپاتکرد لە گرنگی مقیەتیکردن لە فیدرالیەت و مافەیل دەستوری هەرێم کوردستان.
لە بەیاننامەیگ ئمڕوو وەبونەی یاد " شۆرش گوڵان" سەرۆک بارزانی راگەیان، " شۆرش گوڵان درویژکریاگ شۆرش ئەیلولە وە سەرۆکایەتی بارزانی نەمر ئیەش ئەوە چەسپنێد ک هەر هیزیگ بوود و هەرچەنە گەپ بوود نیەتوەنێد ئیرادەی میلەت کوردستان بشکنێد لەوەر ئیە وە ئەوپەر پلەی ئامادەبوین میلەت کورد دووارە شۆرش گوڵان دەسوەپی کرد تا لە راپەرین 1991 رەسیە لویتکە".
وتیش" با یاد شۆرش گوڵان بکەیمنە پایەی یەکڕزی و هەماهەنگی مابەین گشت لایەنە سیاسیەیل و پێکهاتەیل کوردستان، و کاربکەین ئەرا چارەسەرکردن گرفتەیل و پشتسەرنان قورسیەیل تا بتوەنین مقیەتیکردن لە فیدراڵی و مافەیل دەستووری هەرێم کوردستان بکەین و گام ئەرا ئایندەیگ خاستر بنەیمن.
