مزگانی لە حکومەت هەولێر ئەرا خاوەن زویەیلە: ماڵەیلدان بسازن
شەفەق نیوز/ وەزیر شارەوانی لە حکومەت هەرێم کوردستان، ساسان عەونی، ئمڕوو دووشەممە، راگەیان ک خاوەن زەویەیل کەرت ٨ حەسارۆک لە پارێزگای هەولێر، توێنن مووڵەت بیناکردن وەربگرن، و پارێزگار ئومێد خۆشناو دووپات کرد ک خەزمەتگوازیەیلە وەگورەی گرنگی پێشکەش کریەێد.
ئی وتارەیلە لە کۆنگرەیگ رۆژنامەوانی هاوبەشیگ هات لە مەوقەی سەردانیان ئەرا کەرت ٨ حەسارۆک، ئەوەیش دویای ئەو خەوەرەیلە هات ک وەرجە چەن رووژیگ باس وازهاوردن حکومەت ناوخۆیی لە پێشکەشکردن خزمەتگوزاری وەی کەرتە کردن، و ئەوەیش بویە ناڕەزایەتی خاوەن ئەو زەویەیلە.
عەونی لە کۆنگرە هاوبەشەگە ک ئاژانس شەفەق نیوز ئامادەی بوی وت: لە ئمڕوەو خاوەن زەوییەیلە توێنن مووڵەت بیناکردن لە کەرت ٨ حەسارۆک وەربگرن.
وتیش؛ ٦٠٠ مەلیۆن دینار ئەرا ئی پڕۆژە تەرخان کریاگە، وە مەرجیگ ٣٠٠ مەلیۆن تر ئەرا جادە و خزمەتگوزاری لەی کەرتە تەرخان بکریەێد.
