٣ مردن و ٢٧ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-03-15T10:49:33+00:00
شەفەق نیوز/ دەزگای تەندروسی لە ئیدارەی سەروەخوەیی، ئمڕوو دووشەممە، راگەیان تۆمارکردن سێ مردن وە ڤایڕۆس کوڤێد-١٩ لە باکوور و خوەرهەڵات سوریا.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی وت: سێ مردنەگە ئەرا سێ ژن لە کۆبانی تۆمار کریان.
موستەفا وتیش: ٢٧ تووشهاتن نوو وە ڤایڕۆس کوڤێد-١٩ لە ناوچەیل ئیدارەی سەروەخوەیی ئەرا ١٢ پیاو و ١٦ ژن تۆمار کردنە.
تووشهاتنە نووەکان وەیجوورە بەشەوە بوین: ٩ حەسەکە، ١١ قامیشلۆ، ١ کەرکی لەکی، ١ عامودا، ٤ ریقە.
وتیش؛ ٥ خاسەوبوین تۆمار کردنە.
جی باسە ک ژمارەی تووشهاتنەکان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨٨٥٥ ، لەلیان ٣٤١ مردنە، و ١٢٥٩ خاسەو بوینە.
