دوانزە مردن و ١٠٣ تووشهاتن کۆڕۆنا لە ناوچەیل ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو شەممە، راگەیان تۆمارکردن دوانزە مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا سێ پیاو لە قامیشلۆ و سێ پیاو لە دێر زۆر و دوو پیاو تر لە دێرک و دوو ژن لە حەسەکە و ژنیگ تر لە دێر زۆر و چوارەم لە مەنبح تۆمار کردنە.
موستەفا دووپات کرد ک ١٠٣ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا ئەرا ٤٨ پیاو و ٥٥ ژن تۆمار کردنە.
وتیش؛ تووشهاتنە نووەکان وەیجوورە بەشەوە بوین: ١٩ حەسەکە، ١٥ قامیشلۆ، ١٤ دێرک، ٥ عامودا، ٤ کەرکی لەکی، ١ جل ئاغا، ١ تەل تەمر، ٢٠ دێر زۆر، ١٦ کامپ رۆج، ٨ کامپ هۆل.
وتیش؛ هەفت خاسەوبوین نوو تۆمار کردن.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٤٩٢٥، لەلیان ٥٠٧ مردنە، و ١٥١٣ خاسەو بوینە.
