ئەمریکا وە نێچیروان بارزانی: نواگردن داعش و لەناوبردنی لە گرنگیەیل ئیمەس
شەفەق نیوز/ نێچيرڤان بارزانى، سه‌رۆك هه‌رێم كوردستان، ئمڕوو سێشەممە، پیشوازى له جەنەراڵ کیس فلپس، وەرپرس باڵاى سەربازى و وەرپرس نۊسینگەى هاوکاری ئەمنی ئەمەریکى لە عراق كرد.
لە بەیاننامیگ لە سەرۆکایەتی هەرێم دەرچگە و رەسیە وە ئاژانس شەفەق نیوز دیاری کەێد، له كۆبۊنەوەگە باس لە دۊاین پیشهاته‌یل ئه‌منی عراق و رۊیوەرۊ بۊن هه‌ڕه‌شه و مه‌ترسييه‌یل داعش کریا و دووپاتکریا له گرنگی هاوکاری و هه‌ماهه‌نگی لەنوان پێشمه‌رگه و سوپاى عراق، وه‌تايبه‌تيش له‌و ناوچەیلە بۆشایی ئه‌منى هاناوی.
لە بەیاننامەگە هاتیە، له تەوەریگتر لە کۆبۊنەوەگە باس له دۊاین گامەیل پرۆسه‌ى چاكسازى له وه‌زاره‌ت پێشمه‌رگه کریایە و هەردگ لا هاوڕا بۊن لەبان گرنگی يه‌كەوخسن پێشمه‌رگه و وه‌رده‌وامى پشتگيريى ئه‌مه‌ريكا ئەرا پرۆسه‌گه و ئەرا پێشكه‌شكردن مه‌شق و ڕاهێنان وه پێشمه‌رگه وه خوازین زانست، هه‌ر لەی چوارچمگە شانده‌گه دەسخوەشی لە ڕووڵ سه‌رۆک نێچيرڤان بارزانی له پرۆسه‌ى چاكسازى و يه‌كەوخسن پێشمه‌رگه كرد.
شانده ئه‌مه‌ريكييه‌گە دووپات كرد، رۊیوەرۊ بۊن و تەرفتوون کردن داعش ئەرا ئه‌مه‌ريكا كاری یەکەمینە و لەپێناو ئەوە له نزيكه‌و له كاركردن وەگەرد هاوبه‌شه‌یل له عراق و هه‌رێم كوردستان و ناوچه‌گه وه‌رده‌وام بوود، خوەشحالی خوەیانیش وه هاوكاريى پێشمه‌رگه و سوپاى عراق نیشاندان.
په‌يوه‌ندييه‌یل هه‌ولێر ـ به‌غدا، مه‌ترسى و هه‌ڕه‌شه‌یل داعش له سووريا و دۆخ كه‌مپ ئه‌لهۆل له سووريا، دۊاین پیشهاته‌یل دۆخ جەنگ له ئۆكرانيا و چه‌ن پرسیگتر شۊن گرنگیدان هاوبه‌ش بۊی، و ته‌وه‌ریگتر بۊن لە كۆبۊنه‌وەگە.
