ئەمریکا شەرمەزار پەلامار مووشەکی بان خەبات هەولێر کەێد

شەفەق نیوز/ ویلایەتەیل یەکگرتگ ئەمریکی، ئمڕوو دووشەممە، ئەو گورز مووشەکیە شەرمەزار کرد ک پاڵاویگ نەفتی لە قەزای خەبات لە هەولێر کردە ئامانج، وە دەسدرۊژی لەبان سەروەری عراق دادەی قەڵەم. 

باڵیۆزخانەی ئەمریکا لە بەغداد لە بەیاننامیگ رەسیە ئاژانس شەفەق نیوز وت: ئەمریکا شەرمەزار پەلامار دویەشەو لەعراق کەێد ک زەرەدەیلیگ رەسانە پاڵاویگ نەفتی لە هەرێم کوردستان.     

وتیش: پەلامارەیل لە عراق، و ئەوانەگ لەبان کەرت وزە جیوەجی کریەن، خوەی دەسدرۊژیە لەبان سەروەری عراق و زەرەد رەسنێدە هاووڵاتیەیل عراقی، وتیش: ئەمریکا وەگەرد گەل عراق وسیەێد، و وەردەوام بوود وەگەرد هاوبەشەیل عراقی ئەرا مسۆگەرکردن ئاسایش و ئارامی وسەروەری دەوڵەت عراق.