مامۆستایگ زوان کوردی لە ئیران سزا دریەێد
2022-01-03T09:05:42+00:00
شەفەق نیوز/ مامۆستایگ زوان كوردی لە شار سنە خوەرئەڵات كوردستان، ک سزای پەنج ساڵ زیندانی دریا ئەرا جیوەجیکردن سزاگە داوای کریایە و سزاگە وەبانی جیوەجی کر٦ەێد.
زارا محەمەدی، ئەندام ئەنجومەن نوژین و مامۆستای زوان كوردی لە پارێزگای سنە خوەرئەڵات كوردستان، ساڵ گوزەشتە لەوەر چالاكییەیل لە رێكخریای نوژین وە لایەن دادگای شۆڕش سنە سزای 10 ساڵ زیندانی ئەرای دانریایە، دۊیاجار وە لایەن دادگای وەپیاچگن سزاگەی ئەرا پەنج ساڵ كەم کریایە.
ئەنجومەن نوژین لە بەیاننامەیگ ئێ سزایە وە نادادپەروەرانە و بی بەڵگە ناو بردیە و ئاشكەرایش کرد ک سزاگە وە لایەن وەرپرس گشتیی دادگای سنە سەپاوە و ماوەیە کوڵیگ فەرمان بەندیکردن زارا محەمەدی دیاری کریایە.
ئەنجومەن نوژین، رێکخریاییگ فەرهەنگی و ئەدەبییە لە شار سنە كار لەبان ئەدەب و زوان كوردی کەێد.
