یەکەم لیدوان نێچیروان بارزانی لەبان کۆنفرانس COP28

 بارزانی لە پۆستیگ لە ماڵپەڕ “X-Twitter” راگەیاند: “نیەتوەنەێد فرە زوور وەبان گرنگی تەقەلا یەکگرتگەیل و هاوکاری جەهانی ئەرا مقیەتیکردن هەسارەکەمان بکریەێد”.

 ئیوارەی دویەکە پەنجشەممە، نێچیروان بارزانی، سەرۆک هەرێم کوردستان، لە مەراسیم تایبەت لە کۆنفرانس ئاڵشتبوین کەشوهەوای نەتەوە یەکگرتگەیل (COP28)، وەرد شای بەریتانیا و شمارەیگ سەرکردەی وڵاتەیل بەشداری کرد.

 نووسینگەی بارزانی لە بەیاننامەیگ رەسیە ئاژانس شەفەق نیوز وت: لە وەڵام مکیسکردن هاوبەش شا چارڵز سێیەم شانشین یەکگرتگ، و شێخ محمد بن زاید ئال نهەیان، سەرۆک ئیمارات، بارزانی  وەگەرد سەرکردە و سەرۆک وڵاتەیل لە مەراسیمیگ تایبەت وەگەرد ژمارەیگ سەرۆک و سەرکردەی جەهان و بەشداربویەیل کۆنفرانسەگە پیشوازی لەلی کریا.

وتیش: مەراسیمەگە ئەرا دەسکردن وە کۆڕبەند کار خێرخوازی و ئاڵشتبوین کەشوهەوا وەڕیەو چگ کە هاووەختە وەگەرد کۆنفرانس ئاڵشتبوین کەشوهەوای نەتەوە یەکگرتگەیل (COP28) و لەلایەن سەرۆکایەتی ئیمارات و دەستپیشخەریی کریەێد، و سەرۆک و سەرکردەیل ئەو وڵاتەیلە کە تەگبیرە سوو  لە لویتکەگە بەشداری بکەن.

 مەراسیمەگە دەسکردن وە  کۆنفرانس COP28ە کە سوو وە بەشداری سەرۆک دەوڵەتەیل و میوانە باڵایل و شارەزایل دەسوەپی کەێد و تا 12ی کانون یەکەم وەردەوام بوود.