مەسرور بارزانی: گشت تەقەلایگ دەیمن ئەرا رەسین وە رێککەفتنیگ وەگەرد حکومەت فیدڕاڵی
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، وت: حکومەتەگەی گشت تەقەلایگ ئەرا یەکلاکردنەوەی ناکۆکیەگان و باوەتە گیرهاتگەگان وەکەرد حکومەت فیدڕاڵی دەێد ئەرا رەدبوین لە رەوشە ئابووریە سەختەگان ک هەرێم کوردستان وەخوەی دوینێد، و زاقتریان ناتوانی لە دابەشکردن مووچەی فەرمانبەرەیل.
بارزاني لە کۆنگرەیگ رۆژنامەوانی ئمڕوو لە پشت کۆبونەوەی ئەنجومەن وەزیران و ئاژانس شەفەق نیوز ئامادەی بوی وت: ئیمە لە حکومەت هەرێم کوردستان گشت تەقەلایگ کردیمن تا چارەسەریەیلیگ گونجیاگ ئەرا گشت قەیرانەیل هەرێم کوردستان پەیا بکەیمن.
وتیش؛ لەلاییگ تر ئەوەسا گشت تەقەلاگان دەیمن ئەرا رەسین وە رێککەفتنیگ وەگەرد حکومەت فیدڕاڵی لە بنەمای دەستور هەمیشەیی عراق.
بارزانی دووپاتکرد ک ئمڕوو بڕیار دایمن شاندیگ لە هەرێم کوردستان سەردان بەغداد بکەێد، چوونکە هیچ دەسپیچگیگ لە نەڕەسین وە رێککەفتنیگ نەمەند.
هەمیش وت؛ بەشیگ لە قەیرانەگان وەدەس ئیمە نەوی جوور پەتای کۆڕونا و داوەزین نرخ نەفت.
وتیش؛ لەوەخت وەرگردن حکومەتەگە چەن سەردانیگ ئەرا بەغداد کردیمن، وەلی تەنیا مووچەگان نییە، بەڵکم تا ئیسە زەویلیمان تاڵان کریانە، و زەویە کشتوکاڵیەگانیان پەلامار دریەن، لە ئاماژەیگ ئەرا ناوچە دابڕیایەگان.
بارزانی هەمیش وت: تەقەلا دەیمن گشت ئەرکەگان لە گەردنمان جیوەجی بکەیمن، بەڵکم ئی ئەرکە دوو ری دیرێد و بایەدە حکومەت فیدڕاڵی بەشیگ لە ئەرکەگان جیوەجی بکەێد، و تا ئیسە حکومەت فیدڕاڵی تەنیا شەش مووچە رەوانە کردگە، و دویای ئەوە پویلەیلیگ رەوانە کرد و لەلیان بڕی.
وتیش؛ رێککەفتنیگ وە گەرد موستەفا کازمی کردیمن لە رەوانەکردن ٣٢٠ ملیار دینار ک خوەی بەشیگە لە مووچەیل هەرێم، و لە مانگەیل ئاب و ئەیلوول گوزەیشتە تەنیا ئی پویلە رەوانە کردکە، دویای ئەوە هیچ پویلیگ کل نەکردگە.
سەروک حکومەت هەرێم وتیش؛ ئیمە ئامادە بویمن ئەرا گشت ئەرکەیل هەرێم، بەڵکم رەوانەکردن مووچەگان وە دەسپیچگەیل بیخودیگ دیرخستن، و ئیجا ئەنجومەن نۆێنەران عراق بڕیار یاسای قەرزکردن ناوخۆیی دا، وە بی ئامادەبوین لایەن کورد، وباس لە خەفەتی کرد ک چەودیری هاوبەشیەگە لەی چوارچێوە نەکریا.
هەمیش وت؛ لەبان ئەوەیش، راگەیانیمن ئامادەیی خوەمان لە رەفتارکردن وەگەرد یاسای قەرزکردن ناوخۆیی، و بایەد بوی حکومەت فیدڕاڵی شایستەیل هەرێم رەوانە بکردیاد.
بارزانی وتیش؛ دویای واژوو کردن رێککەفتنەگە و رەزامەنیمان لە جیوەجیکردن یاسای پەەککەفتن دارایی بایەدە حکومەت فیدڕاڵی بایی ٣٢٠ ملیار دینار رەوانە بکەێد، تا ئەوەنە لەبان بووجەی ٢٠٢٠ رێککەفتن بوود، بەڵکم رەوانەی نەکرد.
