مەسرور بارزانی زەنگ دەسکردن وە ساڵ خوەنستن نوو لە هەرێم کوردستان کوتێد

مەسرور بارزانی زەنگ دەسکردن وە ساڵ خوەنستن نوو لە هەرێم کوردستان کوتێد
2020-09-27T06:58:15+00:00

شەفەق نیوز/ سەرۆک وەزیران هەرێم کوردستان، ئمڕوو یەکشەممە، زەنگ دەسکردن وەساڵ خوەنستن نوو کوتا لە شار هەولێر پایتەخت هەرێم کوردستان.

رسوومەیل دەسکردن وە ساڵ خوەنستنەگە لە یەکیگ لە مەکتەوەگان لە ناوچەی بەحرەکە دەسکریاپی وە ئامادەبوین ئاڵان حەمە سەعید وەزیر پەروەردە لە هەرێم، و فرسەت سوفی پارێزگار هەولێر.

بارزانی لە وەتاریگ وەی بۆنە وت: خوەشحاڵم وە زەنگکوتان دەسکردن ساڵ خوەنستن نوو، ودووپاتکرد ک کۆڕۆنا کاریگەری خراویگ داشت لەبان خوەنەواری و ئابووری لە گشت جهان، و هەرێم کوردستان لەی کاریگەریەیل ڤایڕۆسە جیا نەوی.

وتیش؛ ئیمە وەردەوامیمن لە جیوەجیکردن بەڕنامە حکومەتیەگە، و گشت رەنج وتەقەلامان دەێمن ئەرا کەمەوکردن لە کاریگەری قەیرانەگان، و هەمیش وت؛ پلان نوویگ دیریمن ئەرا گەشەکردن چین پەروەردە وخوەنستن لە هەرێم.

بارزانی هەمیش وت: ماموستاگان هەمیشە لە پێشەنگی بوینە لەوانەگ خزمەت هەرێم کوردستان کەن، و بایەدە خوەنەوارەگان وەشیوەیگ گونجیاگ زانستن وەربگرن.

سەرۆک حکومەت ئاماژەکرد ئەرا گرنگی مقەیەتی دەسکەفتەگان لە هەرێم و گووش نەیەن وە ئەو دەنگەیلەگ خوازن ئەو دەسکەفتەیلە لەناو بیەن، وڕک ئەوانە کەمەو بکەێد ک خوازن خزمەت کوردستان بکەن، و ئیمە وەردەوامیمن لە وەجیهاورد بپەیمانەیلمان لە سەرتای دروسکردن حکومەتەگە.

دەربارەی ریکارە مقەیەتیەگان وەگەرد دەسکردن وە ساڵ خوەنستنەگە، بارزانی ئەرایان وت: سەڵامەتی ئیوە ئەرامان لەگشتی گرنگترە، وداوا لەلیان کرد پابەندبوون وە رینما وتەمەیە تەندروسیەگان و وەکارهاوردن دەمامەک ودەسکیش ومقەیەتی.

Shafaq Live
Shafaq Live