مەسرور بارزانی داوای بتەوکردن هەماهەنگی لەناوبەین هەولێر و بەغداد کەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو پەنجشەممە، بانگواز ئەرا بتەوکردن هەماهەنگی لەناوبەین هەولێر و بەغداد کرد ئەرا نواگردن هەڕەشەیل تیرۆر.
ئەوەیش لە مەوقەی چەوپێکەفتنی وەگەرد ماکسیم ماکسیمۆف باڵوێز رووسیا لەلای عراق هات، وەبۆنی کۆتایی ئەرکەیلی.
لەو دیدارە ک ئۆلیگ فلادیمیروفیتش قونسڵ گشتی رووسیا لە هەولێر ئامادەی بوی، باس شیوەیل بتەوکردن پەیوەندیە دووانیەکان لەناوبەین هەرێم کوردستان و رووسیا کریا، و هەمیش باسکریا لە دویاترین گەشەیل رەوشەگە لە مەیدان عراق و ناوچەگە وە گشتی.
باڵوێزەگە ئامادەیی وڵاتەگەی ئەرا بتەوکردن پەیوەندیەیل وەگەرد هەرێم کوردستان لە گشت چینەیل نشان دا.
سەرۆک حکومەت دەسخوەشی لە رەنجەیل باڵوێزەگە لە مەوقەی کارکردنی ئەرا گەشەپێدان پەیوەندیە دووانیەکان کرد، و ئومید سەرکەفتن لە ئەرکەیل هاتگی خوازێد.
سەرۆک حکومەت رووشنایی خستە بان پەیوەندیەگە لەناوبەین هەرێم کوردستان و حکومەت فیدڕاڵی، و جەخت کرد لە گرنگی رەسین ئەرا چارەیگ ریشەیی ئەرا گشت گرفتەیل لەبنەمای دەستوور، و هەمیش گرنگی بتەوکردن هەماهەنگی لەناوبەین هەردوگلا وەخاتر نواگردن هەڕەشە تیرۆریەکان.
هەر لیوا، لەو دیدارە باس باوەت هەڵبژاردن هاتگ لە عراق کریا و ئەو تەقەلایلە لە نواگردن بڵاوبوین پەتای کۆڕونا.
