مەسرور بارزانی: حکومەت هەرێم پشتگیری ئازادی رۆژنامەوانی کەێد
شەفەق نیوز/ شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو دووشەممە، پێشوازی لە نەقیب رۆژنامەنووسەیل و ئەندامەیل ئەنجومەن سەندیکای رووژنامەنووسەیل کوردستان کرد.
لە سەرتای چەوپیکەفتنەگە، ئازاد حەمە ئەمین نەقیب رووژنامەنووسەیل کوردستان و ئەندامەیل ئەنجومەن سەندیکاگە، کوڵە باسیگ لە کاروبار سەندیکاگە و چالاکیەیلی کردن، و ئاماژە کردن ک رۆژنامەوانی لە هەرێم کوردستان خاوەن ئازادییە، باوجی کار راگەیانن دووارە رێکخستن لە لایەن یاسایی و پیشەیی خوازێد، ئەرا نواگردن لە شیواشیو راگەیانن، وەگورەی بەیاننامەی حکومەت.
سەرۆک حکومەت دووپات لە پشتگیریکردن حکومەت هەرێم کوردستان ئەرا رۆژنامەنووسەیل کوردستان و کار رۆژنامەوانی وەگشتی لە هەرێم کرد، وەدەور و گرنگی رۆژنامەنووسەیل لە هووشیارکردن کۆمەڵگا و دەسمیەتی حکومەت خستە یاد ئەرا دیاریکردن گرفتەکان و دانان چارسەیەکانیان، و راسەوکردن ئەزموون حکومڕانی لە کوردستان، و ئاماژە کرد ک ئازادی لە باسکردن یەکیگە لە پایە سەرەکییەکان ئەرا هەر کومەڵگایگ پێشکەفتگ.
سەرۆک حکومەت هەرێم دووارەو کرد ک حکومەت هەرێم کوردستان گشت پشتگیرییگ ئەرا ئازادی میدیا راگەیاننەکان دابین کردگە، وەخاتر رانین دەور خاسیگ لە کۆمەڵگاگە، و هەمیش دیاری کرد ک بایەدە میدیایل راگەیانن لە کوردستان ری وە بەد وەکارهاوردن پیشەی پیرووز رۆژنامەوانی نارن ئەرا وەپەن کردن و توومەت بیخودی و خراوکردن ئاشتی کۆمەڵایەتی.
وتیش؛ حکومەت هەرێم کوردستان پشتگیری رۆژنامەوانی وەگشت شیوەیلی کەێد، تا رۆژنامەنووسان کوردستان بتوێەنن کارەیل خوەیان وە شیوەیگ پیشەیی و دویر لە ئەجندە نا پیشەییەکان ئەنجام بیەن، و ئەوەگ کەفێدە بەرژەوەنی گشتی و مقەیەتی لە دەسکەفتە نیشتمانیەکان کەێد.
