مەسرور بارزانی جەخت لەبان مەنین هاوپەیمان ناودەوڵەتی لە عراق کەێد ئەرا نواگردن داعش
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو شەممە، بەیاننامەیگ دەربارەی پەلامارە تیرۆریەکان دەرکرد ک لە محوەر بەردێ - ئاڵتون کوپری لەبان هێزەیڵ پێشمەرگە جیوەجی کرد.
بارزانی لە بەیاننامەگە وت: چەنا چەنیگ دووپات کردیمن ک ریخریاگ داعش هیمان هەڕەشە ومەترسی راسییگ لە فرەی شوینەیل عراق دیرێد، وەتایبەت لە ناوچە کوردستانیەکان لە دەیشت ئیدارەی حکومەت هەرێم، و ئەو بۆشایی ئەمنیە لە سنوور ئیداری ئەو ناوچەیلە وەکار تیارێد، ئەراوە دووارە دووپات کەیمن لەبان کرنگی گورجەوکردن هاوکاری ئەمنی هاوبەش لەناوبەین سوپای عراق و هێزەیل پێشمەرگە.
وتیش: نووڕیمن ک گرنگە هاوپەیمان ناودەوڵەتی وەردەوام بوود لە ڕاهێنان و دەسمیەتی هێزەیل پێشمەرگە و سوپای عراق، و جەخت کرد لە گرنگی مەنینی لە عراق ئەرا نواگردن ریخریاگ داعش و کۆتایی هاوردن وەو هەڕەشەیل تیرۆری وەردەوامە لەبان هەرێم کوردستان و عراق وەگشتی.
