یەکەم تۊیشبۊی ئۆمیکرۆن لە سنە توومارکریا
2022-01-06T07:32:31+00:00
شەفەق نیوز/ قایمقام شار کامێران لە پارێزگای سنە راگەیان، تۊیشبۊیگ ڤایرۆس کۆرۆنا لە جۊر ئۆمیکرۆن توومارکریایە. و یە یەکەمین کەسە لە پارێزگای سنە وە فەرمی تۊیشبۊینی وە ئۆمیکرۆن ئاشکرا بوود.
مەسعود ئەڵماسی، قایمقام شار کامێران، تۊیشبۊین کەسیگ خەڵک ئەو شارە وە ڤایرۆس ئۆمیکرۆن وە هوشداری گرنگ ئەرا مەردم لە قەڵەم دەێد، بایەد پابەن رێکارەیل تەندروستی بوون، تا دوارە شمارەی تۊیشبۊیەیل وە کۆرۆنا بەرزەو نەود.
وەگورەی دوایین راپۆرت وەزارەت تەندروستیی ئیران ک چوار رووژ وەرجە ئیسە بڵاوکریایە، 159 تۊیشبۊی ئۆمیکرۆن لە گشت ئەو وڵاتە توومارکریانە.
ئیران ئەرا نواگردن ئۆمیکرۆن گەشتکردنی ئەرا شمارەیگ لە وڵاتەیل ئەفریقا و ئەوروپا قەیەغە کردییە و لە دەروازە سنوورییەیلە و فڕۆکەخانەیلیش رێکارەیل تەندروستییە سەخت کردیە.
