لەوەر ئۆمیگرۆن ئەمریکا هوشداری گەشتکردن ئەرا 10 وڵات دەێد
شەفەق نیوز/ دەسڵاتدارەیل ئەمەریکا پێشنیارکردنە ک هاووڵاتیەیل خوەیان دۊر بگرن لە گەشتکردن ئەرا 10 وڵات لەوانە فەرەنسا و پورتوگال، هەرچەنە هانە مابەێن ئەو وڵاتەیلە ک خاسترین ڕێژەی ڤایرۆس لە ئەوروپا دێرن، لە مابەێن پەتا نووەگە لە کیشوەرە کۊەنەگە.
وەزارەت دەرەوە وە ئەمریکیەل وت: خوەیان دۊر بگرن لە گەشتکردن ئەرا فەڕەنسا و ئاست ئاگاداری وڵاتەگە ئەرا ئاست چوارەم بەرز بۊیە، ک بەرزترینە، وەگەرد نزیکبۊین کریسمەس و سەری ساڵ، لە ناوراس بڵاوبۊین ئاڵشتبۊی ئۆمیکرۆن".
سەنتەر نەهیشتن بیماری و کۆنترۆڵکردن سەرەکی لە ویلایەتە یەکگرتۊیەیل وت: "وە لەوەرچەو گردن ئێ بارودۆخ ئێسە (پەیوەست وە کۆڤید-19) لە فەڕەنسا، تەنانەت گەشتیارەیل ک ڤاکسین وە تەواوی وەرگردن رۊیوەرۊی مەترسی تۊیشهاتن و گواستنە بوون.
لیست ئەو دەوڵەتەیلە ک پەیوەنیدارن وەو ئاگادارییە ک وەلایەن ناوەندەیل نەهیشتن بیماری و کۆنتڕۆڵ دەرکریانە بریتین لە فەرەنسا و پورتوگال و قوبرس و ئەندۆرا و لیختنشتاین لە ئەوروپا و ئوردن و تانزانیا.
وەزارەت دەرەوە ئەرا ئێ لیستە مالی و دوورگەیل فیجی زیاد کرد ک لە رووژ دوشەممە یەکەم تۊیشبۊین ئۆمیکرون راگەیان.
