ئیلامیەێلە، دە وەراوەر تیم میللی ئێران
شەفەق نیوز- دو‌ێشەو دە وازییەێل چوارلایەنەێ تووپانێ ک دە تێهران نریا، تیم چەوار شەس و پەنج ئیلام ک توانست چوار وە سێ تیم رەسانە و رووژنامەوانی وەرزشی بڕمنێ، چگە فیناڵ و ئمڕوو وە دوانزەی نیمەڕوو دە وەراوەر تیم میللی تووپان ئێران دوسێ.
دوکتور مەهین عەباسی قسەکەر و لە بنەڕانەرەێل (ماڵگەێ ئیلامییەێل تێهران؛ ج ا م) دە ئی بارەوە وت: ئی وازییەلە ڤ مەێزەوانی تیم شارداری ناوچەێ 21 تێهران و جامیعەێ ئیلامییەێل مەرکەز (ج ا م) ڤەر ناسانن ئی دەوخەێ فرە دڵتەزن ئینسانییە نریایە و فرەیش خوەشاڵیمن ک تیم چەوار شەس و پەنج توونست ک ڤ فیناڵ ئی دەورە رێ پەیدا بکەرێ و همیرموون یه‌سە ک بتوونێ میللی‌پووشانیش داشکنێ و ئژ ئی وازییەلەیش کاپ قارەمانی، ئژ تێهران، بەرێ ڤەر ئیلام.
ئەوی وت: فرە دڵنیایی دیرێ ڤەرەموون ک توونستیمن هەم تیم ئیلامیێ بیاریمن ڤەر تێهران و هەم د پایمۆن تابڵەو و بنەرەموون و پەڕووەلێ ک کوویمنەسەێیۆن ڤ کوردی فیلی خوەموونی بنیسنیمن: ویر شەهیدەێل زەمین تووپان چەوار ئیلام، ساڵ 1365 هەتاوی، جاویدانە تا وە هەمیشان، ئوو هەمیش ڤ پەخش کردن بانگ گووورانی شادێک ڤ ناو (ئیلام ، وڵاتەگەێ خوەم) د ناوڕاس تێهڕۆن بچیمن ڤ ڤەراوپیری وازی قارەمانی ئی دەورە.
