گلەوخواردن 85 خێزان ئاوای لە کەمپەیل دهۆک ئەرا شنگال...وینە
2023-11-06T12:27:18+00:00
شەفەق نیوز/ فەرمانگەی کووچ و کووچبەرەیل پارێزگای دهۆک، ئمڕوو دووشەممە، گلەوخواردن 84 خێزان لە ئاوارەیل کەمپەیل ئاوارەیی ئەرا شار شنگال راگەیان لە چوارچمگ شەشەمین بەرنامەی پرۆسەی گلەوخواردن.
وەڕێوەبەر فەرمانگەگە دیان جەعفەر ئەرا ئاژانس شەفەق نیوز دووپاتکرد، پرۆسەی گلەوخواردنیان فرە وە یەواشی وە ریوە چوود وە جویریگ کە ماوەی دوو ساڵە دەسکریاس وە بەرنامەگە باوجی تا ئیسە تەنیا 290 خێزان ئەرا شنگال گلەوخواردنە.
جەعفەر دیاریکرد، دەسمیەتیەیل رێکخریاگ "ئای ئۆ ئێم" وە شیوەی وەرچەویگ کەمەو بویە، سنووردارەو بویە لە هەڵگردن بڕ خەرج گواستنەوەیان، کە نزیکەی 1240 دۆلار ئەمریکیە ئەرا هەر خێزانیگ گلەوخواردیە".
جەعفەر دووپاتکرد تەنیا چارەسەر ئەرا گلەوخواردن گشت ئاوارەیل ناو کەمپ دهۆک ئەرا شنگال رێککەفتنە لەناوەین حکومەت فیدراڵی و حکومەت هەرێم کوردستان.
