لە هەفتەی ئایندە شەپوول نوویگ وەفر وارین هەرێم کوردستان گرێدەو
2023-02-08T09:46:21+00:00
شەفەق نیوز/ وەپای مەزەنەیل کەشناسی، شەپوول نوویگ لە سەرما و وەفر هەرێم کوردستان گرێدەو لەماوەی هەفتەی ئایندە، وە تایبەت پارێزگایەیل سلێمانی و هەلەبجە.
پسپۆر کەشناسی ئاراس جەبار لە پۆستیگ لەبان تووڕ کۆمەڵایەتی فەیسبوک راگەیان ، هاتێ لە شەو شەممەی ئایندە شەپوول نوویگ لە وەفر وارین هەرێم بگردێەو، وتیش، کاریگەری شەپوولەگە فرەتر هالەبان سلێمانی و هەلەبجە.
مەزەنە کریەێد لە سەنتەر هەردگ پارێزگاگە دەسبکەێدە وەفر وارین، وەفر وارینەگە رەسێدە 500م لەبان ئاست دەریا، دیاریکرد هاتی تا رووژ یەکشەممە 12-2 -2023 وەردەوام بوود.
وەپای مەزەنەی کەشناسەگە، هەرێم کوردستان کەفێدە وەر کاریگەری شەپوول واران و سەردی لە سوو شەو و تا هەفتەی ئایندە وەردەوامە.
