لەماوەی ساڵ 2023 دهۆک 46% لە رووبەر زەوی کشاوەرزیەیل پیس بوی وە مین و تەقەمەنی پاکەوکریەن
وەڕێوەبەر دەزگاگە شیلان نهیلی، لە کۆنگرەیگ رووژنامەوانی کە ئاژانس شەفەق نیوز ئامادەبوی راگەیان، تیمەیل پاکەوکردن سەرکەفتی بوینە 46% لە رووبەر پیسبویەیل وە مین و تەقەمەنی پاکەوبکەن.
ئاشکەرایکرد، تیم دەزگاگە توەنستیە 655 هەزار و599 مەتر چوارگووشە لەو زەویلەیلە لە مین پاکەوبکەێد، 278 هەڵبگرێد، 4 پارچە کشاوەرزی پاکەوبکەێد و رادەس خاوەنەیلیان بکەێد، وەگەرد لاوردن 2495 وەجیماگەی جەنگی نەتەقیایگ.
وتیش رویداوەیلە تەقیان مین رەسیە ئەرا 5 رویداو لەئەنجام کەسیگ گیان لەدەسدایە و پەنج کەسیش زەخمداربوینە، گشتیان مەدەنین.
دیاریکرد، تیمیگ تایبەت هەس کە مەردم ئاوای و شارۆچکەیل هووشیار کەن وەگەرد گەشتیارەیل وە تایبەت لەو ناوچەیلە مەترسی مین و تەقەمەنی دیرێد، لەری دانان نیشانەیل رینمایی ئەرا ئەو ناوچەیلە.
باس لەوەیش کرد، ئەو رویداوەیلە لەماوەی ساڵ 2008 تا 2023ەوە وە مدوو مین رویدایە رەسیەس ئەرا 119 رویدو لەئەنجام 40 کەس مردیە و 79 کەسیش زەخمدار بویە.
