لەی مەوقە شەپۆل گەرمی لە هەرێم کوردستان تەواو بوود
2021-08-25T08:53:42+00:00
شەفەق نیوز/ هەرێم کوردستان کەفێدە وەر دویاترین شەپۆل گەرمی لەی وەرز تاوسانە، تا گەرمیەگەی بڕەسێدە ٤٥ پلەی سەدی، باوجی مەزەنە کریاگە ئی شەپۆلە لە سەرەتای مانگ ئەیلوول ئایندە تەواو بوود.
ماڵپەڕ ئەکولایزەر جهانی ئەرا رەوانگەکردن کەشەوهەوا لە راپۆرتیگ وت: تا سێەی مانگ ئەیلوول پلەی گەرمی لە شارەیل هەرێم کوردستان کەفنە نزیک ٤٥ پلەی سەدی.
ماڵپەڕەگە نشان دا ک دویای سێەی ئەیلوول شەپۆلەگە تەواو بوود و پلەی گەرمی داوەزێدە خوار ٤٠ پلەی سەدی.
