لە یەکەمین گردەوبوین دویای ١٤مین کۆنگرە.. پارتی ناو ئەندامەیل نویسینگەی سیاسیی نەێد
2022-11-12T11:19:47+00:00
شەفەق نیوز/ نەوزاد هادى ئەندام دەسەی ناوەندی لە پارت دیموکراتی کوردستان، ئاشکرا هەڵوژاردن ئەندامەیل نویسینگەی سیاسی حزبەگە کردن لەناو ئەو گردەوبوینە ک ئمڕوو شەممە ئەنجام دریا.
هادی ئەرا ئاژانس شەفەق نیوز وت: گردەوبوینەگە وە سەرکەفتن ئەنجام دریا، و لەناوی ئەندامەیل نویسینگەی سیاسی هەڵویژیان ک شمارەیان ١٧ کەسە.
وتیش: گردەوبوینەگە دووپات لەبان ئەو تەمەیلە کرد ک لە ئەنجام ١٤مین کۆنگرەی حزبەگە دەرچگن لەباوەت سیستەم ناوخوەیی و وەرپرسایەتیی لە هەرێم کوردستان و حکومەت فیدراڵ.
پارت دیموکرات کوردستان، ئمڕوو یەکەمین گردەوبوین دەسەی مەرکەزیی دویای کۆنگرەگە ئەنجام دا، ئەرا هەڵوژاردن ئەندامەیل نویسینگەی سیاسی وە ئامادەبوین مەسعود بارزانی سەرۆک حزبەگە و نێچیروان بارزانی جیگر یەکەمی، و مەسرور بارزانی جیگر دویەمی.
