لە سلێمانی.. کۆنفرانسیگ ئەرا باسکردن لە ژیان ژن وەڕیەو چوود
هیوا عومەر یەکیگ لە ئەندامەیل دەسەی ئامادەکردن کۆنفرانسەگە ئەرا ئاژانس شەفەق نیوز وت: کۆنفرانسەگە لەژیر دروشم (ژیان ژن عراقی لەناوەین تونوتیژیی و سەختەیل یاسایی) وەلایەن کۆمەڵەی ژن عراق لق بەریتانیا وەڕیەو چگ.
عومەر وتیش: ئی کۆنفرانسە وە ماوەی دوو رووز باس ژیان ژن عراقی لە جویراجویر ناوچەیل عراق کەێد، و باس لە جیاوازەیل سیمای تونوتیژی و جیوەجیکردن یاسا لەو ناوچەیلە کەێد.
عومەر دیاری کرد کە تونوتیژیی دژوە ژنەیل یەکیگە لە گرنگترین سەختەیل لەنوای تەقەلایل خاسەوکردن ژیان ژن و وەتواناکردنی لە عراق، لەوەر نەوین هووشیاری و فامستن قویلیگ ئەرا مدووەیل ریشەیی لەلای ژنەیل و لەلای خاوەن بڕیارەیل، و ئەوانەگ سیاسەت نواگیریکردن تونوتیژیی دژوە ژن دانەن.
دووپات کرد کە وەردەوامی جەنگەیل و تیرۆر و تونەڕەوی و زاڵبوین رسوومەیل هووزانە لەبان سیستم یاسایی، دەسمیەتی دا لە بەرزەوبوین ئاست تونوتیژیی لەش و سێکسی، و زاقبوین شیوە و رەفتارەیلیگ زەرەددار کە لەبان دووچەوەکی و نایەکسانیی هاتنە، کە وەرد کەلەپوور کۆمەڵگا و کەلتوور تیکەڵا بوینە، گشت ئی کارەیلە نیەیلن ئاگاداری لە تونەڕەوی و وەشوینکەفتن خاوەن ئەو کردوەیلە بکریەێد، هەرچەن دەستوور عراق قەیەغەی گشت شیوەیل تونەڕەوی و ستەم لەناو خانەوادە و کۆمەڵگا کردگە.
عومەر وتیش: کۆنفرانسەگە میوانداری بڕیگ لە دروسکەرەیل بڕیار و بڕ گەورەیگ لە خانمە چالاکوانەیل لە چین ژن کەێد، کە یەکەمە لەی شیوە لە ئاست عراق لە سلێمانی.
