پۆلیس هەولێر کەسیگ دەسگیر کەێد دویەتیگ لە سلێمانی رفانیە
شەفەق نیوز/ وەڕێەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو یەکشەممە، خەوەردا لە دەسگیرکردن کابرایگ توومەتبار وە رفانن دویەتیگ خەڵک پارێزگای سلێمانی.
زانیارەیل نشان دەن ک ئەو دویەتە ک رفیاگە کەفتیەسە وەر دەسدرۊژی سێکسی لەلاین بڕفنەگە.
موقەدەم هوکر عەزیز قسەکەر پۆلیس هەولێر لە کۆنگرەیگ رووژنامەوانی وت: کابرایگ لە تەمەن ٣٢ ساڵ دەسگیر کریا، ک دویەتیگ لە تەمەن ٢٩ ساڵان رفانیە، ودیاری کرد ک دەسگیرکردنی وە یادداشتیگ وەگورەی مادەی ٤٢١ لە یاسای سزادان عراقی هات.
وتیش: دویەتگە لەلای خوەمان هیشتیمن، ئیجا دایمنەی دەس کەسوکاری، وتیش: توومەتبارەگە لەلای پۆلیس پارێزگای سلێمانی داوا کریاگە، و ئەوەسا دەیمنەی دەسی تا ریکارەیل یاسایی لەبانی جیوەجی بکریەن.
موقەدەم عەزیز وتیش: وەڕێەوبەرایەتی پۆلیس هەولێر هەماهەنگی وەرد ئەو ناوچەیل هەرێم کوردستان دیرێد، و خەمسەردی لە دەسگیرکردن داواکریای و توومەتبارەیل نیەکەیمن، تا بیەیمنیانەی دەس لایەنەیل داواکەریان.
