ئاشکراکردن تاوانیگ وەخوەیکوشتن دریاسە قەڵەم
شەفەق نیوز/ وەڕێەوبەرایەتی نەهیشتن تاوان بەغداد، ئمڕوو دووشەممە، ئاشکرای تاوان کوشتن نادیاریگ کرد، ک وەخوەیکوشتن دریاسە قەڵەم، و باس دەسگیرکردن تاوانکارەیل کرد.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: مەفرەزەیل نویسینگەی نەهیشتن تاوان زهور لە بەغداد، توەنست ئاشکرای تاوان کوشتن نادیاریگ بکەێد، ک وە خوەیکشتن پیاویگ دریاسە قەڵەم، گوایە لەناو ماڵەگەی لە ناوچەی حسێنیە خوەی سزانیە، تا تیمیگ لە پۆلیس دروس کریا، و رەسینە شوین رویداوەگە، ودویای مینەکردن و وەشکین، دەرکەفت ک رویداوەگە تاوانیە نەگ خوەیکشتن.
و دیاری کرد ک هەنای ژن قوربانیەگە هاوریا قسە، و لێکۆڵینەوە وەردی کریا، هەڵپڕکیا، و ئاشکرای تاوانەگەی وە بەشداری کەسیگتر کرد، ک شویەگەی کوشتیە وتەرمەگەی سزانیە، تا تاوانەگە بشارێدەو، وتیش؛ لە قسەی ژنەگە توەنستن بڕەسنە ئەو توومەتبارەگە و دەسگیری بکەن.
