پۆلیس هەرێم کوردستان نزیکەی 5000 داواکریاگ دادگا دەسگیر کەێد
لیوا ئەحمەد لە کۆنگرەیگ رووژنامەوانی کە ئمڕوو سازکریا و ئاژانس شەفەق نیوز ئامادەبوی وت، لەماوەی دوو ساڵ وەێشتە وە بڕیار سەرۆک حکومەت هەرێم کوردستان وە داواکاری وەزیر ناوخوەی هەرێم هەڵسیامن وە دروسکردن لیژنەیگ ئەمنی تایوەت وە دەسگیرکردن ئەو توومەتبارەیلە واینە لە دادگا.
وتیش، داواکریاگەیل دەسڵاتدارەیل ئەمنی و دادگا تا دروسکردن ئێ لیژنە شمارەیان 5920 داواکریای بوی کە ماوەی چەن ساڵیگە فرمان دەسگیرکردنیان دەرچوی بوی و دەسگیرنەکریابوین لە هەر چوار پارێزگاگە و ئیدارەیل سەروەخوەیەیل.
لیوا ئەحمەد وتیش، وەڕێوەبەرایەتی پۆلیس پارێزگای هەولێر 582 توومەتبار، پۆلیس سلێمانی 661 توومەتبار، پۆلیس دهۆک 13 توومەتبار، پۆلیس پارێزگای هەڵەبجە 13 توومەتبار، پۆلیس سۆران 50 توومەتبار، پۆلیس گرمیان 43 توومەتبار، پۆلیس زاخۆ 9 توومەتبار، پۆلیس ئاکرێ 4 توومەتبار تا ئیسە دەسگیرکردنە.
