پۆلیس گەرمیان باندیگ وە تۆمەت بازرگانی مادەی هوشبەر دەسگیر کەێد
2022-04-27T10:43:22+00:00
شەفەق نیوز/ پۆلیس گەرمیان، ئمڕوو چوارشەممە، راگەیان باندیگ وەتۆمەت بازرگانیکردن و وەکارهاوردن ماددەی هوشبەر دەسگیر کردنە ک لە هەفت کەسە.
عەلی جەمال قەدوری قسەکەر وەڕێەوبەرایەتی پۆلیس گەرمیان راگەیاند، لە سنوور گەرمیان باندیگ هەفت کەسی دەسگیر کردنە، گشتیان بیجگە لە وەکارهاوردنی بازرگانییش وە ماددەی هوشبەر کردنە.
ئەو تومەتبارەیلە دەسگیرکریانە شەش کەس لەلیان خەڵک گەرمیانن و یەکێگیان خەڵک هەولێرە، لەکات مەوقەی دەسگیرکردنیان دەسنریایە وەبان ماددەی کریستاڵ و تلیاک، و ئامێر و کەرەستەیل وەکارهاوردن ماددە هۆشبەرەیل.
ئەو تۆمەتبارەیلە وەپای ماددەی 30 لە یاسای هوشبەر راگیریانە و لێکۆڵینەوە وەگەردیان دەسوەپی کردیە.
